Райондашыбыз Бөтендөнья татар хатын-кызлары форумында катнашты

(25 май, “Апастово-информ“).

Форумны “Ак калфак” иҗтимагый оешмасы Бөтендөнья татар конгрессы Башкарма комитеты белән бергәлектә оештырды. Биредә чит илләрдән, Россиянең 49 төбәгеннән һәм Татарстан районнарыннан өч йөзгә якын татар хатын-кызлары катнашты. Бу хакта безнең районнан делегат булып барган Гөлнара Гафарова хәбәр итте.

Форумда татар гаиләсе дәрәҗәсен күтәрү максатыннан, милли тормыш нигезләрен, халкыбызның йолаларын, гореф-гадәтләрен, гаилә кыйммәтләрен кайтару буенча эшчәнлекне дәвам итү буенча сөйләшүләр булды. Кул эшләнмәләре күргәзмәләре, күп төрле калфаклар тәкъдим ителде. Тәрбия дәресләре дә узды“, – ди Гөлнара Гафарова.