«Видимо-невидимо» проекты Казанда 28 июньдә яңа спектакльләр тәкъдим итәчәк

Проект кысаларында режиссерлар командалары Татарстан авылларына барып, җирле укучылар белән бер-ике атна шөгыльләнә. Алар укучылар белән «гражданнар театры» методы буенча эшли, бу метод шәхесне, аралашу күнекмәләрен, фантазияне, аңлылыкны үстерүгә юнәлдерелгән театр уеннарын үз эченә ала. Уеннар нәтиҗәсендә кыска күренешләр барлыкка килә, аларда укучылар үзләрен сүз һәм гамәл аша белдерә, ә режиссерлар бу күренешләрдән спектакльләр тудыра. 2026 елда ачык чакыру нәтиҗәләре буенча проектта Мөслим районының Мөслим авылы һәм Лаеш районының Рождествено авылы укучылары катнаша.

Спектакльләрне Санкт-Петербургтан килгән режиссерлар Эльдар Изетов һәм Влада Булыгина, Екатеринбургтан Камилла Магамедова, шулай ук Казаннан режиссер Тәлия Тухфатуллина, драматург Зөләйха Камалова һәм рәссам Арина Таһирова куя.

Авылларда яшүсмерләрнең әти-әниләре, дуслары һәм укытучылары өчен күрсәтүләр 24 һәм 25 июньдә узачак. Проект нәтиҗәләре буенча фотокүргәзмә оештырылачак, аны Казан фотографы Елизавета Маркелова тәкъдим итәчәк.

«Видимо-невидимо» проектын «Терек шәһәр» фонды гамәлгә ашыра. Проект 2023 елдан бирле үсә һәм Татарстанда инде өченче тапкыр үткәрелә. Өч ел эчендә театр инициативасы Татарстанның тугыз авыл мәктәбен колачлаган, ел саен 30дан артык катнашучыны җәлеп итеп, 600дән артык тамашачыны туплаган.