Ильмира Нәгыймова Руслан Кираметдиновтан зарлана: «Артымнан йөри»

  Бүген Чишмәне Ильмира Нәгыймова гөрләтсә, иртәгә үк бу районда аның элекке ире, җырчы Руслан Кираметдинов концерты көтелә икән.

  Ильмира Нәгыймова фикеренчә, бу – Руслан тарафыннан махсус уйлап эшләнгән эш.

  «Дуслар, карагыз әле Чишмәгә 12 ноябрь кем килә (үзенең афишасын күрсәтә). Һәм ба-бах, менә 13е көнне кем? (Русланның афишаларын төшерә) Миннән соң, игътибар итегез, миннән соң! Менә шулай, дуслар», – дип канәгатьсезлек белдерә ул.

  «Аның турында даталарын һәрвакыт минем концертлардан соң ала дип әйтәләр. Артистның артистка карата әшәкелеге инде бу, бездә шулай дип әйтәләр. Артымнан йөри, кыскасы», – дип язган Ильмира.

_{Чыганак:https://intertat.tatar/news/ilmira-nagyimova-ruslan-kirametdinovtan-zarlana-artymnan-iori-kyskasy-5869447}

_{Фото һәм видео «ИнтерТат»}