Татарстанда узган төндә хатын-кыз һәм ике бала янып үлгән

  Янгын сүндерүчеләр килгәндә, 2 катлы йортның икенче каты яна торган булган.

Россия Гадәттән тыш хәлләр министрлыгының Татарстан буенча Баш идарәсендә «Татар-информ» агентлыгына хәбәр итүләренчә, янгын сүндерүчеләр янган өйнең тәрәзәсеннән 7 яшьлек малайны коткарган.

Янгын урынында 3 яшьлек малайның, 5 яшьлек кыз баланың һәм 57 яшьлек хатын-кызның мәетләре табылган.

Янгынны сүндергәннәр, ул 100 квадрат метр мәйданда булган. Якынча белешмә буенча, янгын сәбәбе – кыска ялганыш.

Татарстан прокуратурасыннан хәбәр итүләренчә, вакыйга урынына Биектау районы прокуроры вазифасын башкаручы Руслан Зайнуллин барган.

_{Чыганак:https://intertat.tatar/news/tatarstanda-uzgan-tonda-xatyn-kyz-ham-ike-bala-yanyp-ulgan-5873731}

_{Фото:Татарстан прокуратурасы}