17 октябрь 2017 яңалыклары
-
18 октябрьдә волейбол ярышлары уза
18 октябрьдә Апас урта мәктәбе спорт залында волейбол ярышлары уза. Биредә оешма командалары катнаша. Җиңүче команда медальләр, Мактау грамоталары һәм Кубок алачак.
-
Апаслылар балаларына нинди исемнәр куша?
Апасның ЗАГС бүлеге мәгълүматлары буенча, әти-әниләр балаларына үзенчәлекле, сирәк кулланылышлы исемнәр кушарга тырыша. Соңгы вакытларда Фәнил, Фәния, Зарина, Мәрьям һәм Иркен исемнәре кушылган. Иркен - гаиләдә өченче бала, Әскәр - беренче уллары булып дөньяга аваз салган. фото: pixabay.com
-
Каратун мәдәният хезмәткәрләре район буйлап сәфәргә чыга
Каратун мәдәният хезмәткәрләре тәҗрибә уртаклашу максатыннан, авылларга концерт программасы белән чыга. Алар 21 октябрь көнне, 19 сәгатьтә Иске Әнәле клубында чыгыш ясый. Керү - бушлай! Рәхим итегез!
-
Апас урта мәктәбе – җиңүче
Апас урта мәктәбе укучылары Яр Чаллы шәһәрендә узган "Роботлар көрәше" бәйгесендә катнашты. Алар төрле номинацияләр буенча җиңүчеләр сафына басты.
-
Яшь музыка сөючеләр кичәдә катнашты
Каратун мәктәбенең башлангыч класслары, китапханә һәм музыка мәктәбе берлектә Халыкара музыка көненә багышланган музыкаль-тематик кичә уздырдылар. Биредә яшь музыка сөючеләр, музыка уен коралларында уйнарга өйрәнүчеләр бик теләп катнаштылар, үзләренең һөнәрләрен күрсәттеләр. Кичәдән һәркем канәгать калды.
-
Апаста яшь гаиләләр арта
Югары Акхуҗа кызы Ләйсән Хәмидуллина һәм Кайбыч егете Арслан Хәмидуллин гаилә юлына аяк басты. Алар районның ЗАГС бүлегендә кавышуларын рәсмиләштереп, гаиләләренең беренче документын алдылар. Яшьләргә матур тормыш, саф мәхәббәт телибез! Яшь парларга бәхет яусын, Тигез гомер итегез. Чөкердәшеп яши-яши, Алтын туйга җитегез!