19 июнь 2017 яңалыклары
-
Чирмешән-Каратун юлында юл төзекләндерелә
Чирмешән-Каратун юлында "Татавтодор" оешмасы егетләре 3 чакрымнан артык арада юлны төзекләндерәләр. Дамир Гыймадиев, Алмаз Хәев, Илфат Зиннәтуллин, Саит Гаранев, Булат Сөнгатуллин, Фәнис Хөснетдинов, Илнур Галиуллин юлларыбыз тигез һәм уңыйлы булсын өчен тырышалар.
-
Каратун авылында яшәүче Бибисара әби Минһаҗева Ил башлыгының Котлау хатын алды
Бибисара әби Минһаҗева 90 яшьлек олы юбилеен каршылады. Бүген дә җитез хәрәкәтле, камил акыллы, үткән тормыш юлын көне, сәгате белән хәтерләүче әбигә сокланып кайттык без. Күзләр генә тимәсен, ул аз гына да тик утырырга яратмый. Безне дә ишек төбенә үк үзе чыгып каршы алды. Бибисара әбине район башлыгы урынбасары Марат...
-
Танай-Турай авылында мәчет төзелә
17-18нче июнь көннәрендә Танай-Турай авылында мәчет төзү эшләре барды. Бурадан мәчетнең диварлары өелде. Өмәдә барлык авыл халкы актив катнашты. Эш дәвам итә. Киләсе ялларда мәчетнең түбәсен ябу планлаштырыла. Ярдәм итүчеләргә, изге эшкә кушылучыларга зур рәхмәт. Ураза аенда башланып киткән эш алга таба да дәвамлы булыр.
-
Апаста спорт комплексы төзелә һәм су юллары яңара
Районда зур төзелеш башлануы көтелә. Тиздән спортның күп кенә төрләрен үз эченә алган комплекслы булачакбыз. Әлеге уңайдан Апаска "Фортэкс" оешмасы җитәкчесе Рәүф Галләмов килде. Ул район башлыгы Рәшид Заһидуллин һәм төрле тармак җитәкче-белгечләре белән берлектә район үзәгендә төзеләчәк спорт комплексының урынын карады, проекты белән тынышты, фикерләре белән уртаклашты. Спорт комплексы...
-
Апас районында үткән ялларда тагын бер исерекне тотканнар
Район ЮХИДИ бүлегеннән алынган мәгълүматлардан күренгәнчә, 17 июнь көнне руль артына исерек килеш утырган тагын бер транспортчы тоткарланган. Ул Коштавылыннан. Юллардагы аянычлы хәлләр ишетелеп тора, гыйбрәтләр җитәрлек. Руль артына утырыр алдыннан кабат уйлагыз әле, гомерлек үкенечләр булмасын.
-
Алтын медаль иясе
Апаста яшәүче Фәрит Дәүләтшин район, зона һәм республикакүләм ярышларда актив катнаша. Чаңгыда шуу, йөгерү, шашка-шахмат уйнау - аның яраткан шөгыле. Соңгы елларда Фәрит Дәүләтшин дартс белән дә шөгыльләнә башлады. Ул Пенсионерлар спартакиадасында катнашып, 1 урынга лаек булды һәм Алтын медаль алды.
-
Июль – юбилейларга бай ай
Июль аенда алты райондашыбызның олуг юбилее. Бакырчы авылында гомер итүче бер өлкән кешебез 95 яшьлеген, ә Күкшем, Тутай, Карабай, Каратун, Урта Балтайда яшәүче дүрт әби һәм бер бабай 90 яшьлекләрен каршылаячаклар. Аларга район башлыгы Рәсәй Президенты исеменнән Котлау открыткалары һәм истәлекле бүләкләр тапшырачак.
-
Дәвештә ифтар мәҗлесләре
- Дәвештә "Әтиләр" мәчетенә йөрүче өлкәннәр шактый күп. Авыл халкы динебезне хөрмәт итүчеләр өчен 15тән артык ифтар мәҗлесе үткәрде. Һәр елдагыча Хәйдәр Булатов та Дәвеш һәм Колгына авыллары өлкәннәрен уртак табынга җыйды, - дип хәбәр итә Хәлим Садриев.
-
Түбән Барышта якташлар очрашты
17 июнь көнне Түбән Барыш авыл клубында "Туган ягым-яшел бишек" дип исемләнгән кичә узды. Кичә "Кошларны да туган туфрак тарта, кешеләрне ничек тартмасын" дигән шигьри юллар белән башланып китте. Кичәгә авылыбызнын читтә яшәүче апа- абыйлары кайткан иде. Кичәбезгә кунак булып шушы авылнын Ак әбисе булган Сурурбәнәт әбинең Акхужа авылында яшәүче...
-
“Мин сезгә рәхмәтле!” бәйгесенең җиңүчеләре билгеле!
Табиблар арасында иң күп тавыш җыючы ул - Мухамедова Венера Әнәс кызы (937 тавыш) Фельдшерлар арасында - Хәбибуллин Рәмис Ринат улы (215 тавыш)
-
Апас егете Әмир Зиннәтуллин республикакүләм бәйгедә махсус призга лаек булды
Татарстан профсоюзлары техника куркынычсызлыгы буенча республикакүләм бәйге уздырды. Биредә районыбыздан Апас урта мәктәбенең 3 "А" классы укучысы Әмир Зиннәтуллин да катнашты. Ул үзенең кул эшләрен тәкъдим иткән иде. Әмирнең эшен жюри югары бәяләде һәм махсус призга лаек дип тапты. Әмир Мактау грамотасы һәм кыйммәтле бүләк алды.