Хезмәтебез җимеше

Килдураз мәктәбе соңгы елларда яшелчә үстерү буенча уңышлы эшләп килә. Аеруча 2011нче ел табышлы булды. Барлыгы 86 мең сумлык яшелчә үстерелде, Казан сәүдә базаларына сатып 65 мең сум акча алынды. Шушы көннәрдә хезмәтебезнең җимешен дә татыдык, мәктәпкә "Фиат" җиңел машинасы тапшырылды. Хәзер "Фиат" Кильдураз мәктәбе коллективына хезмәт итә.

Эшебезне югары бәяләгәне өчен районы башлыгы Рәшид Заһидуллинга укытучылар, укучылар һәм ата-аналар исеменнән зур рәхмәтебезне белдерәбез.

Альберт Хәкимов, мәктәп директоры.