РАИЛ – ГОРУРЛЫГЫБЫЗ!

Морзалар гомуми урта белем бирү мәктәбенең 7 сыйныф укучысы Раил Гыйльманов төрле олимпиада, конкурсларда катнашып үзенең уңышлары белән гел сөендереп тора. Әле күптән түгел генә математика, физика фәннәре буенча үткән интернет-олимпиадаларда I дәрәҗә дипломга, ә химия буенча III дәрәҗә дипломга лаек булса, чираттагы җиңү дә озак көттермәде. 18 февраль көнне Алабуга шәһәрендә үткән технология фәне буенча төбәкара олимпиадада көндәшләрен артта калдырып кабат җиңү яулап кайтты ул.