Ә БЕЗ ... СЕЗГӘ БАРАБЫЗ!

Мәктәпләрдә уңышлы гына эшләп килүче иҗат түгә­рәкләре бар. Аларның чираттагы иҗат көннәрендә без дә катнашырга, яшь каләм тибрәтүчеләр белән очрашырга телибез. Яшь каләм ияләрен нәрсә борчый, алар бүген нәрсә белән кызыксына, күңелләрендә нинди уй йөртә? Кайсы мәктәп өлгеррәк, кем безне беренчеләрдән булып очрашуга чакыра, сәяхәтебез шул юнәлештә булачак. "Йолдызчык"ның чираттагы сәхифәсе дә аларга багышлана. Тәкъ­дим һәм чакыруларны apastovo.ru сайтында көтеп калабыз. ничә еллар чыгып килүче "Йолдызчык" сәхифәсенең уты сүнмәсен, сүрелмәсен, сезнең язмалар аңа яңа сулыш өрер дип ышанабыз.