НИНДИ ҺӨНӘР САЙЛАРГА?

Быел республикабызның 20000 чыгарылыш сыйныф укучысы үзләренең булачак һөнәрләрен сайлый. 14 августта ТР Министрлар Кабинетында журналистлар өчен узган брифингта сүз югары уку йорт­ларына һәм һөнәри белем бирү учреждениеләренә кабул итү тәртипләре турында иде. Брифингта катнашкан ректорлар үз уку йортларына абитуриентларны кабул итү үзенчәлекләре белән таныштырдылар. Быел чыгарылыш сыйныф укучыларына 5 югары белем бирү учреждениеләренә гариза тапшырырга мөмкинлек булды. Бүгенге көндә яшьләр дулкынланып исемлекләрдән үз фамилияләрен барлыйлар.