Хөрмәт казанган тәрбияче

Каратун "Гөлчәчәк" балалар бакчасы тәрбиячесе Вильданова Илсөяр Рәшит кызы үз эшенең остасы.

Биредә тәрбияләнүче нәниләр районкүләм үткәрелгән барлык чараларда уңышлы чыгыш ясап, призлы урыннар яулыйлар. Барлык гомерен яшь буынны тәрбияләүгә багышлаган тәрбияче коллективта хөрмәт казанган остаз.

Ирешкән уңышлары өчен ул Татарстан һәм Россия Мәгариф һәм фән министрлыгының, мәгариф бүлегенең Мактау грамоталары белән бүләкләнде.

Бу көннәрдә 55 яшьлек юбилеен каршы алучы Илсөяр ханым күпләргә үрнәк. Аңа киләчәктә дә уңышлар телибез.

Мөнирә Садриева,

"Гөлчәчәк" балалар бакчасы мөдире.