“Сандугач” бакчасында очрашу узды

"Игътибар балалар!" айлыгы башлану уңаенныннан, Иске Йомралы "Сандугач" балалар бакчасына балалар белән очрашуга районның ЮХИДИ хезмәткәре Гафуров Рамил килде. Балалар аңа, юл йөрү кагыйдәләре буенча алган белемнәрен күрсәттеләр, табышмакларга җаваплар таптылар, җырлар җырлап, матур шигырьләр сөйләделәр. инспектор абыйлары биргән "велосипедта ничек һәм кайда йөрергә?","Балаларга кайда уйнарга ярый?" дигән сорауларга җавап бирделәр. Транспорт төрләре турында Презентация карап, узара фикер алыштылар. Очрашу ахырында Рамил Гафуров истәлекле бүләк тапшырды. Бу хакта тәрбиче Гизатуллина Наилә хәбәр итте.