Йортта дуңгыз асрасаң таләпләрне төгәл үтә!

Россия төбәкләрендә дуңгызларда Африка чумасы (АЧС) чыккач, республика һәм районыбызда бу йогышлы авыруны кисәтү максатында катгый чаралар күрелә. Шул таләпләрнең берсе-бу йорт хайваннары чикләнгән урыннарда үстерелергә, урамга, бакчаларга, урманга иреккә чыгарылмаска тиеш. Бу кырыс кагыйдәләрне үтәмәүчеләргә административ штраф санкцияләре кулланыла.
-Авыл җирлекләре башлыклары, мал табиблары һәм аучылар бу юнәлештә халык арасында киң аңлату эшләре алып барырга бурычлы. Үз каралтысында бу төр терлек асраучылар исә аны авыл җирлегендә аерым исәпкә куярга тиеш,-дип кисәтә район башкарма комитеты җитәкчесе Алмаз Гыйбадуллин.
Ришат Җамалиев.