Үзәк чыршы янында җырлап-биеп, рәхәтләнеп ял иттеләр апаслылар

25 декабрьдә район мәдәният йорты каршысында Үзәк чыршыны ачу тантанасы булды. Кыш бабай белән Кар кызы бәйрәмгә биюләрен бүләк иткән нәниләргә дә, җыр-көйләре белән халыкны ял иттергән өлкәннәргә дә бик игътибарлы булдылар. Ел символы булган эшчән атны алыштырырга килгән сарык белән кәҗәнең урыннары түрдә иде. Бәйрәм тантанасында район башлыгы урынбасары Гөлчәчәк Мәүлетова катнашты, изге теләкләре белән район башлыгы мөрәҗәгатен җиткерде.

Җыр-моңнар тынып тормады, барча халык рәхәтләнеп ял итте, күңел ачты, кайнар чәй, шашлыктан авыз итте.