Сез яшәгән еллар алкышлары Яңгырап торыр чордан-чорларга

Буада "Ел хатын-кызы. Ел ир-аты: хатын-кыз карашы" республикакүләм конкурсының зона туры үтте.

Биредә райондашларыбыз да катнашты. Кече Күккүз клубы мөдире Гөлүзә Зәйнуллина "Хатын-кыз - мәдәният һәм рухият", Акхуҗа авылыннан Наил һәм Гөлирам Нигъмәтҗановлар (рәсемдә) "Шәфкатьле йөрәк" номинацияләрендә чыгыш ясадылар. "Татарстан хатын-кызлары" республика иҗтимагый оешмасы рәисе Зилә Вәлиева җитәкчелегендәге жюри гүзәл һәм булдыклы затларны гадел һәм төрле яклап бәяләде. 8 бала тәрбияләп үстергән, "Ата-ана Даны" ордены һәм күп кенә медальләр иясе Нигъмәтҗановлар зона турында җиңү яуладылар. Алар март аенда район данын якларга бәйгенең Казан шәһә­рендә узачак йомгаклау турына барачаклар.