Кызыл Таудан Вәлиевлар: “Авыл тормышын үз иттек“

(28 август, “Апастово-информ“).

Йорт хуҗасы Мирхәт абый эретеп-ябыштыру, агач эшләренә оста булса, хуҗабикә Рушания апа чәчәк, яшелчә үстерү белән мавыга.

“Шушы авылда туып-үстек. Авыл тормышын үз иттек. Бер дә читкә китәсе килмәде. Менә шулай югын бар итеп, булганның кадерен белеп яшәп ятабыз. Терлекләр асрыйбыз. Бакчабыз да зур“, - ди Рушания апа.

Бизәкләр капка төбеннән үк башлана. Бакчалары да кул эшләре белән бизәлгән. Ишегалды да үзенчәлекле төс алган. Балалар, оныклар да җәйне авылда уздыра. Алар да әти-әниләренә теләп булыша.