“БӘХЕТ ХАТЛАРЫН” БЫЕЛ КӨТМӘГЕЗ

РФ Пенсия Фонды җитәкчелеге белдерүенчә, халыкка булачак пенсиясе күләме, исәптә тупланган акчалар турында тәфсилләп аңлатылган еллык мәгълүматлы "Бәхет хатларын" җибәрү Фонд һәм дәүләт бюджетына 3 миллиард сумга төшә. Артык чыгымнарны киметү максатыннан быелдан башлап бу хатларны җибәрү туктатылачак. "Тоташ компьютерлаштыру, югары технологияләр заманында һәр потенциаль пенсионер үз исәбендәге мәгълүматларны махсус сайт-порталга кереп яки район пенсия фонды хезмәткәрләренә мөрәҗәгать итеп белә алачак", - диде бу яңалыкны шәрехләп, район пенсия фонды бүлеге җитәкчесе Шамил Гаффаров.