Гашыйк утында янганнар мең өлеш бәхетлерәк

14 февраль - Гашыйклар көне. Кем генә өзелеп гашыйк булмаган да, кем генә гашыйк утында янмаган. Мәхәббәтнең нәрсә икәнен үз йөрәге аша кичергән һәркем газетабыз аша сөйгәненә котлау сәламе юллый ала. Сөйгәнегезне сөендерәсегез, пар канатыгызны бәхетле итәсегез йә булмаса күңелегезнең яшерен бер почмагында йөрткән серегезне җиткерәсегез килсә, бәйрәм уңаеннан яраткан газетагыз "Йолдыз" сезгә бу мөмкинлекне бүләк итә. Сезнең ялкынлы сүзләр, ихлас теләкләр сөйгәнегезнең йөрәгендә мәңгелек ялкын кабызыр. Котлаулар газетаның 13 февраль санында урын алачак. Иң җылы, иң үзенчәлекле язылган котлау иясен редакциянең махсус бүләге көтә. Котлау бәясе - 100 сум.