ГӨЛБАКЧА БУЛ, АПАСЫМ!

Туган төбәгебезне тагын да ямьле, гүзәл, урамнарыбызны матур итү максатыннан, районда "Зөя суы буйларында гөлбакча син, Апасым" бәйгесе игълан ителде. Бәйге 1 майдан 25 июньгә кадәр дәвам итәчәк. Барлык оешмалар, кибетләр, җәмәгать туклану үзәкләре, район территориясендә эшчәнлек алып баручылар - барысы да бу бәйгедә катнаша ала. Урамнарны, оешма-учреждение тирәләрен бизәү, матурлауга һәркем өлеш кертсен иде. Йомгак ясалганда оригинальлек, эстетик һәм әдәби бизәлеш, декоратив яшелләндерү исәпкә алыначак. Иң оста, иң зәвыклы дип табылган эшләрне призлар һәм Дипломнар көтә.