Булганына шөкер, булмаганы – булыр

Багыш фермасының бушап калган вакытлары да бар иде. Инде, шөкер, торак тутырып терлекләр кайтты, яңа, ит токымлы терлекләр үрчетүгә алынгач, авылда эш урыннары да артты.

- Былтыр авылыбызда бик заманча итеп күпфункцияле үзәк төзелүне шатланып кабул иттек. Быел олы юлдан авыл үзәгенә кадәр яңа асфальт юл да салыначак. Райондагы тәртип һәм гадәт буенча бу мәсьәләдә дә сүзнең ахыры эш булачагына ышанам. Тырыш, булдыклы авылдашларым - сыер савучылар Гүзәлия Кәлимуллина белән Гөлүсә Мифтахова эшне җиренә җиткереп башкаралар. Гаиләләрендә һәм авылда бик хөрмәтле затлар алар", - ди ферма мөдире Алсу Хөсәенова.