“ӘНИ” ДИЕП ДӘШҮ ШУНДЫЙ РӘХӘТ

"Янәшәмдә балалар булгач дөньям түгәрәк, барлык борчуларым да онытылып китә. Шатлыгыбыз булса да бергәләп сөенәбез", - ди Апас авылында яшәүче, дүрт бала әнисе Әлфия Сабирова. Ул яшьли тол кала. Бар кайгысын җиңеп ике баласын Раил белән Гөлнараны тәрбияли. Соңрак әнисе Фәнзилә апа белән киңәшеп 2-4 яшьлек Фидан белән Алияне тәрбиягә алалар. Бүген инде олы улы Раил үз тормышы белән яши. Әлфия оныгы Ранилгә дә ана назы бирә. Әнә шулай бергәләшеп, чиста, җыйнак, нурлы өйләрендә гомер кичерә алар. Әлфия үзе өч дистә елга якын телеграфта эшли. Намуслы, тырыш, ачык йөзле бу ханым хезмәтендә дә хөрмәтле.