Район башлыгы сөт җыю бәясен арттыру бурычын куйды

(23 май, “Апастово-информ”).

Биредә хуҗалыкларда терлекләр санын саклап калу, сөт саву күләмен арттыру һәм җыелган сөт өчен тиешенчә түләү хакында сүз булды. Шулай ук сөтнең сыйфат дәрәҗәсенә дә басым ясалды. Җирлекләрдә очрашулар уздырып, халык белән дә сөйләшүләр алып бару максат итеп куелды.
Районның авыл хуҗалыгы һәм азык-төлек идарәсе җитәкчесе Радик Гыйсмәтов терлек асраучылар өчен дәүләт тарафыннан билгеләнгән ярдәмнәр, авыл хуҗалыгы өлкәсенә кагылышлы төрле программалар хакында тагын бер кат аңлатты. Терлек асраучылар өчен булган мөмкинлекләргә тукталды.
“Быел терлек азыгы кыйммәт. Терлек асрау да җиңел түгел. Терлек асраучылар җитештергән продукция өчен тиешле хакын да алырлык булсын. Сөт бәясен арттыру бүген көн кадагында”, - диде ул.
Очрашуда сөтне районның сөт комбинатына тапшыру мөмкинлеге ассызыкланды, бәяләр уртага салып сөйләшенде.

#яшәавылымминем