ЯШИБЕЗ, БОЛАЙ БУЛГАЧ

Тиздән 65 яшен каршылаячак тәҗрибәле кранчы Гарәфетдин Бикмучевны Күкшемдә һәм районда зур төзелешләр алып баручылар, хез­мәттәшләре осталыгы, ярдәмчеллеге өчен хөр­мәт итә. Бүген ул "Ак Барс" Холдинг компания­сенең Каратун машина-технология комплексында алыштыргысыз белгеч булып санала.

"Апаста гына түгел, ашыгыч чакыру белән күчмә техник ярдәм комплексы составында улым Рифат белән бергәләп тирә-күр­ше районнарга да еш чыгабыз. Агрофирманың ферма-басуларында, райондагы күпсанлы төзелеш объектларында эш­ләрнең ипле баруында өлешем булуга шатланам һәм горурланам", - ди ул.