Яшь чемпионнар Апаста үсә

"Алтын алка" Боз сараеның ишекләре бер дә ябылып тормый. Мәктәптән кайту белән балалар бирегә ашыга. Төрле яшьтәге 323 бала хоккей, фигуралы шуу, шорт-трек түгәрәкләрендә спорт белән шөгыльләнә. Аеруча да хоккей түгәрәгенә яратып йөриләр икән. Бозга чыкканчы иң элек барысы да, яшь аермаларына карап, тренажер залларында күнекмәләр үтәләр. Ә бозда инде алар үзләрен аеруча да иркен тоталар. Тимераяк, кәшәкә, алка, ярышлар һәм җиңүләр аларның инде төп хыялына әверелгән. Түгәрәкләр тәмамланганнан соң 19.00-20.00 сәгатьләрдә массалы шууга да райондашлар теләп йөриләр. Шунысы да мөһим, түгәрәләр дә, массалы шуу да түләүсез.

Рәсемдә: инде 4 ел балаларга хоккей уйнау серләрен өйрәтүче тренер Булат Хисамов үзенә яшь алмаш әзерли.