Табигатьтә коры һава торышы хәкимлек итә. Бу кипкән үләннәрнең, яфракларның, корыган агачларның янып китү куркынычын тагын да арттыра. Соңгы көннәрдә басу-кырларга ут кабу очраклары борчуга сала.
(4 октябрь, “Апастово-информ”).
Бер очкын зур бәлаләргә китерергә мөмкин. Шуңа күрә дә, аеруча сак булу сорала.
-Халыкның гап-гади янгын куркынычсызлыгы кагыйдәләренә битараф каравы - янгын килеп чыгуның төп сәбәбе. Торак йорт һәм оешмалар янын коелган яфраклардан, кипкән үләннәрдән һәм чүп-чардан вакытында арындырырга кирәк. Салам һәм печән эскертләре янында учак ягу катгый рәвештә тыела. Урманнарны, болыннарны, басу-кырларны, шулай ук торак төзелешләрен янгыннардан саклагыз. Актив ял итү урыннарында янгын иминлеге кагыйдәләре таләпләрен үтәгез, - ди янгын куркынычсызлыгы бүлеге хезмәткәре Раил Кашапов.
Нет комментариев