Авыл җирлекләрендә халык җыеннары уза

“Бердәм Россия” сәяси партиясе тарафыннан оештырылучы халык белән очрашу беренчеләрдән булып, Олы Болгаер, Әлмәндәр, Зур Күккүз авыл җирлекләрендә узды. Җыеннарда район башкарма комитет җитәкчесе Алмаз Гыйбадуллин һәм аның урынбасарлары, төрле өлкә җитәкче-белгечләре катнашты. Биредә авыл җирлекләре башлыклары 2018 елда үзара салым акчасына башкарылган һәм башкарылачак эшләр, авыл халкының көнкүреше хакында чыгыш ясадылар. Халык райондагы яңалыклар, ирешелгән уңышлар, мөмкинлекләр турында мәгълүмат алып, үзләрен борчыган сорауларга җаваплар алды.