Районда үткән халык җыеннарда мөһим мәсьәләләр карала

“Бердәм Россия” сәяси партиясе патронажында узучы халык җыеннарының чираттагысы бүген, 13 ноябрь көнне, Шәмбалыкчы һәм Биеш авыл җирлекләрендә үтте. Җыеннарда район башкарма комитет җитәкчесе Алмаз Гыйбадуллин һәм аның урынбасарлары, төрле өлкә җитәкче-белгечләре катнашты. Биредә райондашларыбыз үзләрен борчыган мәсьәләләрне күтәрде, эшләнгән һәм эшләнәчәк эшләр үзара уртага салып сөйләшенде. Район башкарма комитет җитәкчесе Алмаз Гыйбадуллин районда башкарылган эшләр, соңгы үзгәрешләр яңалыклар белән таныштырды. Авыл җирлекләре башлыклары 2018 елда үзара салым акчасына башкарылган һәм башкарылачак эшләр, авыл халкының көнкүреше хакында чыгыш ясадылар. Халык райондагы яңалыклар, ирешелгән уңышлар, мөмкинлекләр турында мәгълүмат алып, үзләрен борчыган сорауларга җаваплар алды.