Түбән Барыш авылында "Күкәй бәйрәме"

Бу көнне ел саен һәр йортта йомырка буяла, балалар йорттан-йортка йөреп күкәй һәм башка тәм-томнар җыя. Клуб мөдире Ләйсән Зарифуллина сүзләренчә, "Күкәй бәйрәме" быел да бик күңелле узган. Бирегэ шәһәрдән, район үзәгеннән дә күп балалар кайткан. Балалар өчен дә, авыл халкы өчен дә зур бәйрәм булган. Авыл җирлеге башлыгы Розия Низамова да балалар шатлыгы белән бүлешеп, аларга изге теләкләр теләп, традицияне дәвам итәргә чакырган.