Апас волейболчылары көндәшләрен җиңә алмады

Апас мәктәбе спорт залында Апас, Сатмыш, Биеш, Буа һәм Тәтеш районнары ир-егетләр җыелма командалары районкүләм ачык волейбол ярышында очраштылар. Кискен һәм гадел барган бу турнирда беренчелекне буалылар яулады, тәтешлеләр - икенче, ә Апас яшьләре командасы - өченче урында.

- Күңел төшенкелегенә бирелү өчен сәбәп юк, безгә ешрак очрашырга кирәк. Үз казаныбызда гына кайнамыйча, башка районнарга да чыгып, көндәшләрнең һәр уен алымын өйрәнеп кулланырга өйрәнү, бердәмлеккә ирешү өчен районыбызда шартлар җитә, - ди Апас яшьләре волейбол җыелма командасы капитаны Рөстәм Абдуллаев.