9 декабрь 2016 яңалыклары
-
“Йолдыз“ газетасының баш мөхәррире Гүзәл Хилавиеваны район башлыгы котлады
"Йолдыз" газетасының баш мөхәррире Гүзәл Хилавиева республикакүләм "Кеше һәм табигать" бәйгесендә Дипломга лаек булды. Аны җиңүе белән район башлыгы Рәшид Заһидуллин район Советы сессиясендә тәбрик итте һәм Диплом, бүләк, чәчәк бәйләме тапшырды.
-
Олы Болгаер авыл җирлеге башлыгы Зилә Сәйфуллина хөрмәтләнде
Олы Болгаер авыл җирлеге башлыгы Зилә Сәйфуллина Татарстан Республикасының Муниципаль берәмлекләре Советының Мактау грамотасына лаек булды. Мактау грамотасын, бүләк һәм чәчәк бәйләмен район башлыгы Рәшид Заһидуллин тантаналы шартларда район Советы утырышында тапшырды.
-
Тиз килер, озак китмәс
Көннәр салкынайту белән күпләр төчкерә-йөткерә башлыйлар, температуралары күтәрелә. "Грипп шушыдыр" дип төшенкелеккә биреләләр. Шуңа да үзегезне чыныктырыгыз, саф һавада күбрәк булыгыз, витаминлы ризыклар ашарга тырышыгыз. Гади генә гигиена кагыйдәләрен үтәгез. Шул чакта авыру сезне читләп үтәр!
-
Олы Бакырчы мәктәбенә Кыш бабай килгән дә инде
Олы Бакырчы мәктәбе янына якынлашуга Яңа ел рухы сизелә. Биредә кай тарафка гына карасаң да, кар сыннары каршы ала. Кыш бабай, Кар кызы төрле әкият геройлары белем иленә дәшә. Чыршы да бизәп куелган. Булдыра бакырчылылар!
-
музыкальная передача "Кунелем турендэ" 09.12.2016
-
Апаста Ватан Геройлары көне уңаеннан хәтер чарасы узды
9 декабрь - Ватан Геройлары көне буларак билгеләп үтелә. Әлеге уңайдан районның Батырлар Мемориаль комплексы янында хәтер чарасы узды. Мәңгелек ут янына чәчәкләр салынды. Биредә район башлыгы Рәшид Заһидуллин да катнашты.
-
Апаста социаль ипотека буенча тагын бер яңа йорт өлгерде
Шәһәр тибындагы Апас поселогының Салават Кәримов урамында өч катлы, 24 фатирлы тагын бер йорт сафка басты. Яңа ел бәйрәменә биредә өй туйлары булачак. Бүген район башлыгы Рәшид Заһидуллин һәм белгечләр төзелеш эшләре һәм биредәге уңайлылыклар белән таныштылар. Бүгенге көндә йортка җылылык бирелгән, вак-төяк эшләр генә калган.
-
Янгелдедән Василий Аверьянов котлаулар кабул итте
Һәр ел саен 9 декабрьдә Ватан геройлары көне билгеләп үтелә. Янгелде авылында гомер итүче Хезмәт Даны орденнарының тулы кавалеры Василий Игнатьевич Аверьянов та дулкынлану белән көтә бу көнне. Намуслы хезмәте өчен хөрмәтләнгән Василий Аверьяновка район башлыгы Рәшид Заһидуллин да өенә барып Ватан Геройлары көне белән тәбрикләп истәлекле бүләк тапшырды.
-
Борнаш урта мәктәбе “Ватан геройлары көне”н билгеләп үтте
Өлкән буын ветераннар сафы сирәгәеп, каһарманлык төшенчәләре алмашына барган бүгенге чорда Россиядә декабрь аенда Ватан Геройларын данлау традициягә керде. Яу кырында да, тыныч тормышта да илнең иминлеген саклау һәм үстерү өчен көч һәм, еш кына гомерләрен куйган батыр һәм тырыш шәхесләр нәкь менә безгә үрнәк булып тора. Тарих һәм җәмгыять...
-
Апаста сессия үтте
Район Советы һәм башкарма комитетының утырышлар залында өченче чакырылыш Апас муниципаль Советының чираттагы утырышы узды. Көн тәртибендә төп мәсьәлә булып, 2017нче һәм планлаштырылган 2018-2019нчы елларга Апас муниципаль районының бюджетын раслау иде. Ул бертавыштан расланды. Район башлыгы коррупция гамәлләренә юл куймау, балалар хәвефсезлеген тәэмин итү, Яңа ел бәйрәмнәрен оешкан төстә һәм...
-
Каратун юлында юл-транспорт һәлакәте
Апас-Каратун юлында бүген ике машина бәрелеште. Сәбәбе: бозлавык юлда тизлек режимын сакламау. Иптәш транспортчылар! Юл кагыйдәләрен төгәл үтәгез, үзегезнең дә, якыннарыгызның да тормышын куркыныч астына куймагыз!
-
Теләсә кайда тәмәке тартма!
Тәмәкене махсус урыннарда гына тартырга кирәклеген һәр тәмәкече яхшы белә хәзер. Шулай да законны санламаучылар очрап куя икән. Быелның 11 аенда тиешсез урында тәмәке тарткан өчен 44 кеше административ җавапка тартылган.