Апаста изге эшләр дәвам итә
Хөрмәтле райондашлар! Тиздән безнең районнан төзелеш материаллары төялгән фураны Татарстан Республикасы шефлык итүче Лисичанск һәм Рубежное шәһәрләренә җибәрү планлаштырыла. Ләкин моннан тыш, әлеге шәһәрләрдә яшәүчеләргә азык-төлек, кием, шәхси гигиена әйберләре һәм башка көндәлек әйберләр бик кирәк. Әйдәгез, игелек һәм мәрхәмәтлелек күрсәтик, ярдәмгә мохтаҗ кешеләр өчен гуманитар йөк җыюга өлеш кертик.
Кабул итү урыны – “Алга” яшүсмерләр клубы. Йөкне июнь аенда җибәрү планлаштырыла. Кирәкле азык-төлек һәм әйберләр исемлеге түбәндә бирелә.
Беренчел кирәкле әйберләр: ит, балык консервлары, дөге, карабодай (0,9 кг), шикәр комы (1 кг), сыек май, су, печенье, конфет, балалар ризыгы, одеял, мендәр, урын-җир кирәк-яраклары, сөлгеләр, носки, эчке киемнәр, ир-атларга һәм хатын-кызларга җәйге аяк киемнәре, балалар киемнәре, көнкүреш кирәк-яраклары, шәхси гигиена әйберләре, батарей, зарядник, телефон өчен шнур, эт һәм мәчеләр өчен азыклар, чиләк, табаклар.
Тамчыдан күл җыела, диләр. Хәлдән килгәнчә үз өлешебезне кертик!
Следите за самым важным и интересным в Telegram-каналеТатмедиа
Нет комментариев