ШЫМ БУЛ – ӘНӘ “ФОРПОСТ” САКТА ТОРА

Район мәктәпләре, аграр көллияттә бүген барлыгы 14 "Форпост" отряды тәртип сагында тора. Апаста тагын бер шундый ук максатларны күздә тоткан аерым яшьләр отряды да оешты. Яшьләр арасында төрле тәртип бозуларны кисәтү, киң аңлату эшләре алып баруны үзенең намус эше дип санаган башка формадагы берләшмәләр дә олыларның зур булышчылары. Бу отряд-төркемнәрдә бүген 600гә якын яшүсмер һәм яшь кыз-егетләр әгъза булып тора. Күп мәктәпләр, көллиятнең "Форпост"чылары өчен формалар да тегелде. Төрле чараларда аларны шул матур киемнәрдән күрергә мөмкин.