Чираттагы уңышлары

Апас урта мәктәбенең 9-10 сыйныф кызлары Зилә Хисамиева, Гөлчәчәк Хилавиева, Алия Әхмәтовалар район, республика, россиякүләм уза торган төрле фән бәйгеләре, олимпиадаларда үз көчләрен еш сыныйлар. Уку алдынгылары агымдагы елның январь-март аенда ОАО "Концерн "Росэнергоатом" заказы белән Атом станциясе үткәргән, югары класс укучылары арасында математика һәм физика буенча читтән торып катнашуның 5 нче Олимпиадасында уңыш яулап Зилә беренче дәрәҗә Дипломга, Гөлчәчәк белән Алия икенче дәрәҗә Дипломга лаек булдылар. Олимпиаданың читтән торып катнашу этабында 80 регионнан 7000 укучы катнашкан. Кызларның җитәкчеләре, математика укытучысы Гафиятуллина Асия Харис кызы да укучыларының уңышлары белән горурлана.