Коштавылы мәдәният йортында капиталь төзекләндерү эшләре башланып киткән. Эшләр апрель аенда башланган, августта төгәлләү нияте белән эшлиләр.
(9 апрель, “Апастово-информ”).
-Гыйнвар аенда безнең җирлектә халык җыены булды. Бу көнне безгә мәдәният йортының төзекләнәчәге турында хәбәр иттеләр. Ел саен җыелышларда сорый идек. Халык мөрәҗәгате читтә калмады, - ди мәдәният йорты мөдире Тәскирә Хафизова.
Бина тулысынча үзгәрәчәк, заманчалашачак. Бинада китапханә дә урын алачак.
-Мәдәният йортыбыз иске иде. Яңа шартларда эшләүчеләргә кызыгып карый идек. Менә хыялыбыз тормышка аша, - ди Тәскирә апа.
Котшавылы мәдәният йорты 1987 елда төзелгән, 2010 елда төзекләндерү эшләре башкарылган. Шуннан бирле төзелешләр булмаган.
Нет комментариев