Апас туган якны өйрәнү музее кызыклы акция башлап җибәрде.
(17 апрель, “Апастово-информ”).
Музей җитәкчесе Рәмис Ногманов хәбәр иткәнчә, 10-30 апрельдә музейда бүләкләр кабул итү көннәре уза. Бу чарада теләгән һәркем катнаша ала.
Музейга килүчеләр бар һәм алар үзенчәлекле бүләкләр белән киләләр.
“Бер-бер артлы музеебыз фонды тулылана. Апаста яшәүче Рәис һәм Зәйнәп Яруллиннар ретро-телефон бүләк иттеләр”, - дип яңалык белән уртаклаша Рәмис абый.
Музейга фотолар, тарихи документлар, шәхси әйберләр, эш кораллары һәм башкаларны китерергә мөмкин.
Нет комментариев