Урта Балтай халкына Донецк өлкәсендәге солдатлар рәхмәт әйтә

(29 май, “Апастово-информ”).

Уңган куллы, изге күңелле ханымнар Урта Балтай мәдәният йортына җыелып токмачлар баса. Шулай ук чәкчәкләр дә пешереп, читтә иминлек өчен өлеш кертүчеләргә күңел җылылыгын өләшә, көчле рух өсти. Алар тәм-томнар, тәмле өй ризыклары белән сыйлауны үзләренең бурычлары итеп саный.

“Казанда ООО “Щит” әфганчылар оешмасын җитәкләүче Урта Балтай авылы егете Дамир Биктимиров аша күчтәнәчләр җибәрдек. Авылдашларыбыз Гөлгенә һәм Ландыш чәкчәкләр пешереп килде”, - ди клуб мөдире Лилия Җамалиева.

Күчтәнәчләр егетләргә барып җитеп, Донецк өлкәсендә хезмәт итүче егетләргә рәхмәтләр дә килеп ирешкән.