Апаста чөгендер алу эше башланды

Апастово-информ, 5 сентябрь 2023 - 14:44

440

Районның авыл хуҗалыгы хезмәткәрләре чөгендер алу эшенә кереште.

(5 сентябрь, “Апастово-информ”).

Иң беренчеләрдән булып “Апас-мол” агрофирмасының Әлмәндәр берләшмәсе татлы тамыр алу эшен башлап җибәрде. Эшнең барышы белән район башлыгы Айрат Җиһаншин да танышты. Ул уңышның чыгышы белән кызыксынды, хезмәткәрләргә уңышлар теләде.

Быел район кырларында 4700 гектар шикәр чөгендере чәчелгән. Әлегә гектардан уртача 280 центнер уңыш чыга.

Кырда 5 комбайн эшли. Хезмәткәрләр тәүлек әйләнәсе кырда. Алар 4 тапкыр кайнар аш белән туклана.