Сатуда печән-салам, бөртеклеләр, кош-кортлар, җиләк-җимеш, яшелчәләр, камыр ризыклары - барысы да бар иде.
(28 сентябрь, “Апастово-информ”).
Ярминкә иртәдән үк башланды. Сатып алучыларны район мәдәният йорты хезмәткәрләре җыр-моң белән каршы алдылар. Рәт-рәт төзелеп киткән сату мәйданчыкларында районның крестьян-фермер хуҗалыклары, авыл җирлекләре, мәктәп коллективлары җәй буе үстерелгән уңышны халыкка тәкъдим итте.
Шулай ук сатуда печән-салам, бөртеклеләр, кош-кортлар, җиләк-җимеш, яшелчәләр, камыр ризыклары бар иде. Өлкәннәргә сатып алынган печән-саламны, бөртеклеләрне илтеп бирү мөмкинлеге дә оештырылды. Район башлыгы урынбасары Ленар Хантимиров җитәкчелегендәге комиссия ярминкә барышы белән танышып, һәр сату ноктасын карап-бәяләп чыкты.
Көзге ярминкә якынлашып килүче өлкәннәр ункөнлеге кысаларында оештырылды.
Нет комментариев