Гөлчәчәк Әхтәмова: “Иң яратканым – Күбәләк“

(6 апрель, “Апастово-информ“). 

Гөлчәчәк апаның фермада эшли башлавына 23 ел вакыт узган. Бүгенге көндә ул 60 сыер карый. Ромашка, Тургай, Астра - сыерларга шулай яратып эндәшә. Иң яратканына Күбәләк дип кушкан. 
“Иртәнге биштән үк без малкайларыбыз янында. Башта сыерларны юабыз, ашатабыз. Аннан сава башлыйбыз. Сыерларыбыз күп сөт бирүләренә сөенеп эшлибез. Бер тәүлеккә бер тоннадан артык сөт савам. Эшләгәч акчасын да түлиләр. Әле менә күптән түгел, хатын-кызлар бәйрәмендә Апаста мәдәният йортына җыеп хөрмәт күрсәттеләр үзебезгә. Аңа кадәр Апас таңнары ресторанында кунак булып, сыйланып кайткан идек. Хезмәтебезне күрә, бәяли белгәч эшлисе дә күңеллерәк“, - дип сөйли ул үзе.