Узган шимбәдә Каратун мәктәбендә үткәрелгән корбан ашына 70 кеше чакырылган иде.
Мәктәп коллективы гаять матур итеп хөрмәт күрсәтте өлкәннәргә. Бәйрәм табыны өчен район башлыгы Р. Н. Заһидуллин үз хисабыннан корбан чалдырган. Үзе дә катнашты ул бәйрәмдә. Кылган гамәленең чын йөрәгеннән булуын әйтте. Бүген һәр авылда корбан ашларын матурлап үткәрергә кирәклегенә басым ясады. Җитәкчеләр һәм сәүдә белән шөгыльләнүчеләр үзләре башта үрнәк күрсәтергә тиешлеген искәртте.
