Кукуруз чәкәне ник сыек?

Быел орлыгын суктырып алу өчен 1500 гектардан артык басуларда кукуруз аерым технология буенча чәчелгән иде. Тик, ни кызганыч, чәкән вакытында тулышып, бөртеге начар өлгерде. Белгечләр ул амбарларда артык дымлы булу сәбәпле начар сакланачак, дигән фикергә килделәр, тик уңыш кырларда калмаячак. Агрофирмада бу мәйданнарның 140 гектарында кукуруз суктыру эшләре уздырылды инде. Бүгенгә барлыгы 450 тонна бөртек жыеп алынды һәм саклауга траншеяларга салынды. Аны миксерлар белән терлекләргә моноазык әзерләгәндә баланслап рационга кушачаклар.