“Малкайлар бит, җылы карашны тиз сизәләр“, - ди Рузалия Әхмәдуллина

(7 апрель, “Апастово-информ“).

Рузалия апа башта фермада бозаулар караган. Хәзер сыер сава. Тормыш иптәше Таһир абый да фермада эшли. Ул яшь бозаулар тәрбияли.
“Эшнең кайсы да авыр инде. Ирем белән бергә эшләгәч, бер-беребезнең хезмәтен аңлыйбыз. Коллективыбыз да бик әйбәт. Җитәкчеләребез ярдәм итәргә тырышалар, хәлләребезне белешеп торалар. Малкайлар арасында төрле холыклысы бар. Һәр сыерның җаен белергә, кәефен аңларга тырышам. Җан ияләре бит, җылы карашны тиз сизәләр“, - ди Рузалия апа.