Районда - кызу урак өсте
Бүгенге көндә район буенча барлыгы 4950 гектар мәйданда урып-җыю эшләре башкарылган. Барлыгы 17 мең тоннадан артык икмәк җыеп алынган. Шуның 12 мең тоннасы дәүләткә тапшырылган. Уңыш 1 гектарга уртача 35 центнерны тәшкил итә.
(30 июль, Ләлә Сафиуллина. “Апастово-Информ”).
“Свияга” агрофирмасының Югары Акхуҗа берләшмәсе кырларында да эшнең кызган чагы. Тырыш игенчеләр өчен кояшлы көннең һәр минуты кадерле.
“Бүгенге көндә 1000 гектар мәйданда урып-җыю эшләре башкарылды. Уңыш бик әйбәт чыга. Көзге культуралар да үзләренең мул уңышы белән сөендерә. 1 гектардан уртача 40 центнер уңыш җыеп алына”, - дип белдерде берләшмәнең әйдәп баручы агрономы Айрат Корбангалиев.
Кырда 7 комбайн эшли. 5 “КамАЗ” машинасы игенне амбарга ташып тора.
Следите за самым важным и интересным в Telegram-каналеТатмедиа
Нет комментариев