“Табар” хуҗалыгына Венгриядән 126 баш нәселле тана кайтты

(1 ноябрь, “Апастово-информ”).

Бирелгән акчаның 80 процентын республика, 20 процентын хуҗалык түли. Районга барлыгы 935ләп баш нәселле тана кайтырга тиеш. Ибраһимов крестьян-фермер хуҗалыгына 195 баш тана кайткан иде. Фазыйл һәм Фаиль Вилдановлар крестьян-фермер хуҗалыгына 100дән артык баш, “Нур” хуҗалыгына 156дан артык баш тана кайту көтелә. Венгрия таналары ике ай ярымнан җиде айга кадәр буазлыкта. Бу хакта район авыл хуҗалыгы һәм азык-төлек идарәсе җитәкчесе Радик Гыйсмәтов белдерде.
“Безнең районда сөт җитештерү һәм нәсел эше буенча әлегә кайбер проблемалар хәл ителеп бетмәгән. Шуңа күрә көтүне яңарту, аеруча нәселле, перспективалы таналар белән тулыланлыру - мөһим мәсьәлә булып тора. Районыбызга шундый нәтиҗәле ярдәм күрсәтүләре өчен Татарстан Президенты Рөстәм Миңнехановка һәм авыл хуҗалыгы министры Марат Җаббаровка без бик рәхмәтле”, - диде район авыл хуҗалыгы идарәсе җитәкчесе.

#яшәавылым