Авыл хуҗалыгы
“Урак-2019“ кампаниясе старт алды. Хәерле сәгатьтә булсын!
Урып-җыю эшләренә иң беренчеләрдән булып “Свияга“ агрофирмасының Горбунов берләшмәсе игенчеләре кереште.
Теземнәргә салынган арпаны Дәвеш кырында контроль суктырып карау үтте. Икенче көнне бу басуларда Коштавылыннан Рәдиф Вәлиев белән Чирмешән бүлекчәсеннән килгән Илһам Ибраһимов игеннәрне теземнәргә салуны дәвам итте. Иске Йомралы якларында да шул көннәрдә уракка төштеләр.
19 июльдә Иске Әнәле авылы янәшәсендәге игеннәрне теземнәргә салу башланды һәм Иске Йомралы ягында теземнәргә салынган иген басуларына комбайннар керде.
Шулай итеп, районда урак чорына старт бирелде. Хәерле сәгатьтә, Апас игенчесе!
Ришат Җамалиев.
Следите за самым важным и интересным в Telegram-каналеТатмедиа
Нет комментариев