Яхшылык җирдә ятмас, саваплы гамәл онытылмас

Алар чакыруы буенча, кичә район Мөслимәләр Берлеге җитәкчесе Мәрьям Хәйрова, район халыкны социаль яклау идарәсе җитәкчесе Гөлчәчәк Мәүлетова, район мөхтәсибе Мирхәт хәзрәт Җамалиев Казаннан бер машина Хәйрия бүләге төяп кайттылар. Үзбәкстанның бер билгеле компаниясе җитештергән 1 яшьтән 18 яшькәчә балалар өс һәм аяк киемнәре җыелмасында 500 гә якын комплект бар. Авыл җирлекләре, авыл мәчетләре, җирле мөслимәләр Советлары тапшырган исемлекләр нигезендә алар һәр авыл буенча, кемнең нинди дин тотуына карамыйча гадел итеп бүленде. 2 августта күп балалы һәм ярдәмгә мохтаҗ әти-әниләр Апасның “Рамазан” мәчетенә чакырылды. Алар өчен мәчеттә иганәчеләр ярдәме белән Хәйрия чәй табыны оештырылды.

Татарстан Дини Нәзарәте, “Зәкәт” Фонды бүләкләрен тапшыру тантанасында район башлыгы урынбасары Ленар Хантимиров катнашты. Бүләкләргә бик сөенгән сабыйлар, әниләр һәм дәү әниләргә саулык-сәламәтлек, тигезлек һәм иминлек телибез!