ҺАВА ТОРЫШЫ ҺӘМ АЙ КАЛЕНДАРЕ

24 июльдә Татарстанда алмашынучан-болытлы һава торышы була. Урыны белән кыска вакытлы яңгыр явачак, көндез кайбер районнарда яшенле яңгыр көтелә. Төньяктан, төньяк-көнчыгыштан 5-10 метр, урыны белән 14 метр, яшен вакытында 15-20 метр тизлектә көчле җил. Төнлә һава температурасы +9..+14˚, көндез +20..+25˚ градус.

Кимүче ай, ай Балык йолдызлыгында.

Кабаттан редис чәчү өчен уңышлы вакыт. Помидор, борыч, баклажан һәм кыярларга ашлама сибәргә була. Чәчәк атып бетергән күпьеллык чәчәкләрне аерып утыртырга кирәк.

^{Чыганак:https://intertat.tatar/news/24-iyulga-hava-torysy-ham-ai-kalendare-5867438}