Яз 20 марттан соң киләчәк

(25 февраль, «Апастово-информ»)

Татарстанга яз 20 марттан соң килә икән. Бу хакта «Татар-информ»га «МЕТЕО» фаразлау үзәге синоптигы Александр Ильин хәбәр иткән.
- Уртача тәүлеклек температура 0 градустан югары булырга тиеш, - диде эксперт. Бу фактор язның килүен якынайтуда мөһим чараларның берсе булып тора.
Кар һәм боз катламы эрүен исәпкә алучы фенологик яз соңрак киләчәк. Вак һәм эре елгаларда боз апрель уртасыннан да иртәрәк кузгалмаячак, дип йомгаклады Ильин.