Татарстанда кар катламы декабрьдә генә ятачак

(24 ноябрь, “Апастово-информ”).

«Татар-информ» агентлыгына «МЕТЕО» фаразлау үзәге синоптигы Александр Ильин билгеләп үткәнчә, дүшәмбе Татарстанда һәм республика башкаласында һава температурасы 0..-2 градус булачак. Сишәмбе һәм чәршәмбе көннәрендә Казанда +4..+5 градуска кадәр җылытачак. Шулай ук чәршәмбедән пәнҗешәмбегә каршы төндә шәһәрдә бераз кар яварга мөмкин.
«Җомга көнне көндезге сәгатьләрдә Татарстанда, шул исәптән Казанда да яңгыр явачак, ә һаваның иң югары температурасы +3 градус тәшкил итәчәк», – дип хәбәр иткән агентлык әңгәмәдәше.