Татарстанда көндез 27 градуска кадәр салкын булачак, бераз кар явуы да ихтимал

(24 декабрь, “Апастово-информ”).

Бу хакта ТР Гидрометеорология үзәге хәбәр итә. Республикада аязучан болытлы һава торышы көтелә. Урыны белән бераз кар явачак, Казанда явым-төшем көтелми.
Төньяктан һәм төньяк-көнчыгыштан искән җилнең тизлеге секундына 5-10 метр тәшкил итә. Юлларда бозлавык барлыкка киләчәк.
Иртән Татарстанда һава температурасы -24..-29 градус тәшкил итә, ә аязганда термометрның терекөмеш баганасы -32 градуска кадәр (ТР башкаласында -24..-26 градуска, аязганда -29 градуска кадәр) түбәнәя. Көндез исә температура -18..-23 градус, көнчыгышта -24..-27 градус (Казанда -18..-20 градус) тәшкил итәчәк.